لەساڵیادی هەڵبژاردنی مام جەلال وەک یەکەمین سەرۆک کۆماری کوردی عێراق رایدەگەیەنێت، لە هەموو كات زیاتر پێویستیمان بە دیپلۆماسیەت و داناییەكانی هەیە بۆ كردنەوەی گرێ كوێرەكان لە كوردستان و عێراقیشدا.
ئەمڕۆ سێشەممە ٦ی نیسان، قوباد تاڵەبانی، جێگری سەرۆکی حکومەتی هەرێمی کوردستان، بەبۆنەی یادی هەڵبژاردنی مام جەلال وەک یەکەمین سەرۆک کۆماری کورد لە عێراق پەیامێکی بڵاوکردەوە کە ئەمە دەقەکەیەتی:
لە ساڵیادی هەڵبژاردنی مام بە سەرۆك كۆمار جەخت دەكەینەوە كە لە هەموو كات زیاتر پێویستیمان بە دیپلۆماسیەت و داناییەكانی هەیە بۆ كردنەوەی گرێ كوێرەكان لە كوردستان و عێراقیشدا... پێویستیمان بەیەکڕیزی و وەلانانی کێشە لاوەکییەکان هەیە لەپێناو ئامانجە نەتەوەیی و نیشتمانییە باڵاکان.