بەهۆی پابەندنەبوون بە مەرج و رێنماییەکانی قائیمقامیەتی سلێمانی ئارێشتگا و سەمونخانەیەک لەلایەن لیژنە هاوبەشەکانی قائیمقامیەتەوە داخران و دەستبەسەر بڕێک لە گۆشتی ئاژەڵی نەشیاویشدا گیرا.

ئەمڕۆ چوارشەممە، ٧ی نیسانی ٢٠٢١، قائیمقامیەتی سلێمانی بلاویکردووەتەوە:" بەهۆی پابەندنەبوون بە مەرج و رێنماییەکانی سلێمانی هەریەکە لە ئارێشتگای کچانی جوان لە گەڕەکی کوردسات و فڕن سەمونی کاردۆست لەگەڕەکی تاڤگە لە سەرچنار داخران ".

هاوکات، ئەوەشخراوەتەڕوو:"  ‌له‌ دوو رۆژی رابردوودا لەلایەن لیژنەکانی قائیمقامیەتەوە ده‌ستبه‌سه‌ر بڕێك گۆشتی ئاژه‌ڵدا گیراوە  کە له‌سه‌ر شه‌قامه‌كان و به‌شێوه‌ی ناته‌ندروست و نایاسایی سه‌ربڕدرابون و هه‌ر له‌سه‌ر شه‌قامه‌كانیش به‌هاوڵاتیان ده‌فرۆشرانەوە ".