راوێژکاری ئاسایشی نەتەوەیی عێراق رایگەیاند، حکومەتی ئەمریکا بەڵێنیدا
بەشێکی زۆری هێزەکانی لە عێراق بکشێنێتەوە و لەسەر نەمانی هێزە بیانییەکان لە
وڵاتەکەدا رێککەوتن.
ئەمڕۆ چوارشەممە، ٧ی نیسان، قاسم ئەعڕەجی، راوێژکاری ئاسایشی نەتەویی
عێراق بە ئاژانسی فەرمی وڵاتەکەی راگەیاندووە:" لە گفتوگۆکانی ئەمڕۆمدا ئیدارەی
ئەمریکا بەڵێنیدا ژمارەیەکی زۆری هێزەکانی لە عێراق بکشێنێتەوە، هەر وەها
رێککەوتین لەسەر ئەوەی هێزە عێراقییەکان ئەرکی بەرەنگاربوونەوەی داعش بگرنە
ئەستۆ".
ناوبراو راشیگەیاند:" لایەنی عێراقی ئەرکی پاراستنی نێردە
دیبلۆماسییەکانی لە وڵاتەکەی دووپاتکردەوە و هەردوولا لەسەر نەمانی بنگەی هێزە
بیانییەکان لەسەر خاکی عێراق رێککەوتن ".
ئەمڕۆ وەزارەتی دەرەوەی عێراق دەستپێکردنەوەی گوڕی سێیەمی گفتوگۆی
ستراتیژییەکانی نێوان عێراق و ئەمریکای راگەیاند.