.jpg)
ئەمڕۆ کۆمسیۆنی باڵای هەڵبژاردنەکانی عێراق رایگەیاند، هەڵبژاردن دواناخرێت و لە وادەی خۆیدا ئەنجامدەدرێت.
ئەمرۆ پێنجشەممە ٨ی نیسان، کۆمسیۆنی باڵای هەڵبژاردنەکانی عێراق لە کۆنگرەیەکی رۆژنامەوانیدا رایگەیاند:" جەختدەکەینەوە لەوەی لە ١٠ی تشرینی یەکەم هەڵبژاردن ئەنجامدەدرێت و پابەند دەبین بە تەواوکردنی ئامادەکاری و رێککارەکان پێش ئەو وادەیە".
ئەوەش راگەیەندرا:" لە ١٧ی ئەم مانگەدا خۆ کاندید کردنی خوازیاران بۆ بەشداریکردن لە هەڵبژاردنەکەدا کۆتاییدێت، هەروەها تۆمارکردنی هاوپەیمانی لە نێوان لایەنەکاندا تا سەرەتای مانگی ئایار بەردەوام دەبێت".
ئاماژە بەوەشدراوە:" تا ئێستا زیاتر لە ١٣ ملیۆن کارتی بایۆمەتری دابەشکراوە".
ئەمە لە کاتێکدایە وا بڕیارە لە ١٠ی تشرینی یەکەمی ئەمساڵدا هەڵبژاردنی پێشوەختە بەڕێوەبچێت و تا ئێستا چەند لایەنێک خۆیان تۆمارکردووە.