بڕیارە رۆژی دووشەممەی داهاتوو بۆ یەکەمینجار ئیماڕات بە ئاشکرا مانۆریکی سەربازی لەگەڵ ئیسڕائیل ئەنجامبدات.
کەناڵی "I24NEWS"ی ئیسڕائیلی بڵاویکردەوە:" رۆژی دووشەممەی داهاتوو هەریەکە لە ئیسڕائیل، ئیمارات، ئەمریکا، قوبڕس، یۆنان، ئیسپانیا، سلۆڤانیا و کەنەدا مانۆرێکی هاوبەشی سەربازی لە یۆنان ئەنجامدەدەن".
کەناڵە ئیسڕائیلییەکە ئاماژەی بەوەشکردووە:" هێزی ئاسمانی ئیسڕائیلی بە فڕۆکەی F-15 و F-16 بەشداری لە مانۆرەکە دەکات، هەریەکە لە ئیماڕات و یۆنانیش بە فڕۆکەی جۆری F-16 بەشداری دەکەن".
هاوکات، ئەوەشخراوەتەڕوو :" هێزی ئاسمانی ئەمریکا بە فڕۆکەکانی F-16 و MQ-9 و KC-135 بەشداری لە راهێنانە سەربازییەکە دەکات ".