بەهۆی داڕووخانی دیوارێک بۆ سەر چەند کرێکارێک لە کاتی کارکردنیان لە شاری کەرکوک، سەرلەبەیانی ئەمڕۆ سێ کرێکار گیانیانلەدەستدا.
ئەمڕۆ شەممە، ١٠ی نیسان، سامان یابە، بەڕێوەبەری بەشی راگەیاندنی تەندروستی کەرکوک بە BMC راگەیاند:" سەرلەبەیانی ئەمڕۆ چەند کرێکارێک لەکاتی دروستکردنی کۆگایەک لە نزیک گەڕەکی شۆراو دیوارێک کەوتەسەریان، بەهۆیەوە سێ کەسیان گیانیانلەدەستدا و یەکێکی دیکەش برینداربوو ".
وتیشی :" ئەو سێ کرێکارەی گیانیانلەدەستداوە ناویان (شەهاب ئەحمەد، زیاب یاسین، سەعەد عەبدولجەبار) و سەرجەمیان کەسوکاری یەکترن و خەڵکی قەزای حەویجن، یەكێکیان تەمەنی ٢٠ ساڵانە و ئەوەی دیکەشیان ٢١ ساڵانە، یەکێکی دیکەش تەمەنی ٤٠ ساڵە و خاوەنی دوو خێزان و ١٤ منداڵە ".