لەئەنجامی رووداوێکی هاتوچۆی نێوان دوو ئۆتۆمبێل
لە رێگای نێوان داقوق و خورماتوو، دوو کەس گیانیانلەدەستدا و یەکێکی دیکەش
برینداربوو، کە دادوەری دادگای داقوقە.
ئەمڕۆ یەکشەممە، ١١ی نیسان، ئوسامە خالید،
کارمەندی بەشی راگەیاندنی پۆلیسی هاتوچۆی کەرکوک رایگەیاند:" بەهۆی رووداوێکی
هاتوچۆ لە نێوان ئۆتۆمبێلێکی جۆری کۆرۆلا لەگەڵ ئۆتۆمبێلێکی دیکەی جۆری پیکئاب،
شۆفێری هەردوو ئۆتۆمبێلەکە گیانیانلەدەستدا و یەکێکی دیکەش بە ناوی وەلید فاتیح
رۆستەم برینداربوو، کە یەکێکە لە دادوەرەکانی دادگای داقوق".
ئاماژەی بەوەشکرد:" رووداوەکە لە رێگای نێوان
هەردوو قەزای داقوق و خورماتوو روویداوە و ئەوانەی گیانیانلەدەستداوە ناویان یاسین
عەلی و حسێن عەباس بووە ".