وتەبێژی بزووتنەوەی گۆڕان رایدەگەیەنێت، ئەو هەواڵانەی باسلەوەدەکەن پارەیان لە پارتی وەرگرتبێت دوورن لە راستییەوە.
ئەمڕۆ یەکشەممە ١١ی نیسان، نوسراوێک بە ناوی وتەبێژی فەرمی بزووتنەوەی گۆڕان بڵاوکراوەتەوە و تێیدا هاتووە:"رای گشتی ئاگاداردەکەینەوە، وەرگرتنی بودجە، یان بڕە پارەیەک لە پارتی دیموکراتی کوردستان، یان هەر حیزبێکی سیاسی دیکە، لەلایەن بزووتنەوەی گۆڕانەوە، زانیارییەکی ناراست و بێ بنەمایە".
