وەزیری کارەبای هەرێم رایگەیاند، لەمانگی رەمەزاندا رۆژانە ١٩ - ٢٠ کاتژمێر كارەبا بەهاوڵاتیان دەدەن.
ئەمڕۆ یەکشەممە، ١١ی نیسان،
کەمال محەمەد، وەزیری کارەبای هەرێم رایگەیاند:" هاوڵاتیانی كوردستان دڵنیا
دەكەمەوە لەمانگی رەمەزاندا رۆژانە پێدانی كارەبای نیشتمانی ١٩-٢٠ كاتژمێر دەبێت ".
دەقی راگەیاندراوی وەزیری
کارەبای هەرێم :
بەناوی خوای گەورەو میهرەبان
بەبۆنەی گەڕانەوەی مانگی پیرۆزی
رەمەزانەوە پیرۆزبایی لە موسڵمانانی خۆشەویستی كوردستان و جیهان و فەرمانبەرانی
وەزارەتی كارەبا بەتایبەتی دەكەم، ئومێدەوارم ئەم مانگە ببێتە مانگی خێرو بەرەكەت
و هەمووان ساخ و سەلامەت بن.
بەپێویستی دەزانم لەم مانگەدا سوپاسی
فەرمانبەرانی وەزارەتی كارەبا بكەم، كە توانیویانە سەرەڕای مەترسییەكانی كۆرۆنا و
خراپی دۆخی دارایی بەوپەڕی بەرپرسیارێتی و دڵسۆزییەوە بە شێوەی ئیشكگری و ٢٤ كاتژمێر لەخزمەتی هاوڵاتیاندا بوون، هەر بەم بۆنەیەوە هاوڵاتیانی
كوردستان دڵنیا دەكەمەوە لەمانگی رەمەزاندا پێدانی كارەبای نیشتمانی رۆژانە ١٩ -٢٠ كاتژمێر دەبێت.
خودای گەورە و میهرەبان رۆژ و
عیبادەتی ئەم مانگە لە هەموو لایەكمان قبووڵ بكات.
كەمال محمد ساڵح
وەزیری كارەبا
11ی نیسانی 2021