بڕیار وایە ئەمڕۆ دووشەممە ئەمینداری ئەنجومەنی ئاسایشی نەتەوەیی ئیران لەگەڵ راوێژکاری ئاسایشی نیشتیمانی عێراق، لە تارانی پایتەختی وڵاتی ئێران کۆببنەوە.
ئەمڕۆ دوو شەممە ١١ی نیسان میدیاکانی عێراق رایانگەیاند:" لەسەر بانگێشتی عەلی شەمخانی، ئەمینداری ئەنجومەنی ئاسایشی نەتەوەیی ئێران قاسم ئەعرەجی راوێژکاری ئاسایشی نیشتیمانی عێراق سەردانی تاران دەکات".
بە گوێرەی ئەو زانیارییانەی میدیا عێراقییەکان بڵاویانکردووەتەوە:" مەبەست لە سەردانیکردنەکەی ئەمڕۆی راوێژکاری ئاسایشی نیشتیمانی عێراق بۆ تاران، تاوتوێکردنی دۆخی ناوچەکە و بەهێزکردنی پەیوەندی هەردوو لایە".