ئەندامێکی فراکسیۆنی حیکمە لە پەرلەمانی عێراق ئاشکرایکرد، زیاتر لە ٥٠
پەرلەمانتار لە پشکنینەکاندا دەرکەوتووە کە توشبووی ڤایرۆسی کۆرۆنان.
عەلی ئەلبدێری، پەرلەمانتاری عێراق لە فراکسیۆنی حیکمە بە ئاژانسی
"شفق نیوز"ی راگەیاندووە:" بەهۆی بەرزبوونەوەی رێژەی توشبوون بە
ڤایرۆسی کۆرۆنا لە نێو پەرلەمانتاران، ئەستەمە بتوانرێت کۆبوونەوەی داهاتووی
پەرلەمانی عێراق رێکبخرێت".
ناوبراو راشیگەیاند:" زیاتر لە ٥٠ پەرلەمانتار توشبوونیان بە ڤایرۆسی کۆرۆنا
سەلمێندراوە، بەوەش ئەستەمە بتوانرێت کۆبوونەوەی داهاتووی پەرلەمانی عێراق لە رۆژی
٢٠ی نیسان بەڕێوەبچێت ".