وتەبێژی حکومەتی هەرێم دەنگۆی هێرشکردنەسەر بنکەیەکی هەواڵگری ئیسڕائیلی لە هەرێمی کوردستان رەتکردەوە.

ئەمڕۆ چوارشەممە،١٤ی نیسانی ٢٠٢١، جوتیار عادل، وتەبێژی حکومەتی هەرێم لە روونکردنەوەیەکدا رایگەیاندووە:" ژمارەیەک میدیای ناوچەکە، ھەواڵێکیان بڵاو کردووەتەوە کە گوایە بنکەیەکی ناوەندی زانیاری و چالاکی دەزگایەکی ھەواڵگری ئیسرائیلی لە ھەرێمی کوردستان کراوەتە ئامانج و چەند کارمەندێکی ئەو بنکەیە کوژراون و بریندار بوون، بەڵام سەرلەبەری ئەو هەواڵە دوورە لە ڕاستییەوە".

باسیلەوەشکردووە:" هیچ بنکەیەکی دەزگای هەواڵگری ئیسڕائیلی لە هەرێمی کوردستان نییە و پێمان وایە ئەو ھەواڵ و تۆمەتە بێ بنەمایانە مەبەستدارە و تەنیا ئامانجیان پیلانگێڕییە بەرامبەر بە ھەرێمەکەمان ".