بافڵ تاڵەبانی، هاوسەرۆکی یەکێتی لەبارەی هێرشکردنە سەر فڕۆکەخانەی هەولێر پەیامێکی بڵاوکردەوە.
بافڵ تاڵەبانی هاوسەرۆکی یەکێتی نیشتیمانی کوردستان لە پەیامێکدا رایگەیاند:" بەتوندی ئیدانەی هێرشەکەی سەر فڕۆکەخانەی نێودەوڵەتی هەولێر دەکەم. دەستوەردانە ئاسایش و سەقامگیری هەرێمی کوردستان بەهیچ شێوەیەک قبوڵکراونییە و هێرشە دووبارەکانی سەر پایتەخت جێی نیگەرانیمانە. پاراستنی ئارامی هەرێمەکەمان کاری سەرەکیمانە".
وتیشی:" یەکێتیی نیشتمانیی کوردستان تەواوی پاڵپشتی خۆی پیشان دەدات بۆ ئەوەی ئەنجامدەرانی ئەم کارە بە سزای خۆیان بگەن. لەگەڵ هێزەكانی هاوپەیمانان لە هەماهەنگیدا دەبین كە ماندوونەناسانە یارمەتیدەرمانن لە جەنگی دژی تێرۆر".