وەزارەتی تەندروستی عێراق رایگەیاند لە چەند رۆژی داهاتوودا زیاتر لە ملیۆنێک ڤاکسینی دیکە دەگاتە عێراق.
ئەمڕۆ شەممە ١٧ی نیسان حەسەن تەمیمی وەزیری تەندروستی عێراق رایگەیاند:" بڕیار وایە لە کۆتایی ئەم مانگەدا ملیۆنێک و ٣٠٠ هەزار ڤاکسینی دیکە بە دەستی وەزارەتی تەندروستی عێراق بگات".
ئاماژەی بەوەشکرد :" تا ئێستا زیاتر لە ٢٠٠ هەزار بەسەر هاوڵاتیانی پارێزگاکانی عێراقدا دابەشکراوە".
ئەمە لە کاتێکدایە لە سەرەتای سەرهەڵدانی ڤایرۆسی کۆرۆناوە زیاتر لە ٩٦٤ هەزار و ٤٣٥ حاڵەتی تووشبوون لە عێراقدا بە گشتی تۆمارکراون.