شارەزایەکی بواری کەشناسی عێراقی ئاشکرایکرد، لە سبەینێوە شەپۆلێکی گەرمای
بەهارە روو لە سەرجەم پارێزگاکانی عێراق و رۆژهەڵاتی ناوەڕاست دەکات.
ئەمڕۆ شەممە، ١٧ی نیسان، سادق عەتییە، شارەزای بواری کەشناسی عێراقی لە
هەژماری فەرمی خۆی لە فەیسبووک بڵاویکردووەتەوە:" لە سبەی یەکشەممەوە
شەپۆلێکی گەرمای بەهارە روو لە سەرجەم پارێزگاکانی عێراق و رۆژهەڵاتی ناوەڕاست
دەکات و تاوەکو کۆتایی ئەم هەفتەیە بەردەوام دەبێت، بە جۆرێک پلەکانی گەرما دەگەنە
٤٠ – ٤٢ پلەی سەدی ".
ئاماژەی بەوەشکردووە:" رۆژانی سێشەممە و چوارشەممە لوتکەی شەپۆلەکە
دەبێت و شارەکانی ناوەڕاست، باشور، رۆژئاوا و بەشێک لە پارێزگاکانی باکووری وەک
کەرکوک و دیالە زۆرترین کاریگەری ئەو شەپۆلەیان بەردەکەوێت ".
ئەوەشی خستووەتەڕوو :" لە رۆژانی پێنجشەممە و هەینی دووبارە پلەکانی
گەرما دادەبەزنەوە ".