ئاژانسی فەرمی سوری ئاشکرایکردووە، سوپای ئەمریکا
زیاتر لە ٢٤ بارهەڵگری تایبەت بە چەک و تەقەمەنی و چەند ئۆتۆمبێلێکی زریپۆشی
رەوانەی بنکە سەربازییەکانی لە رۆژئاوای کوردستان کردووە.
ئاژانسی هەواڵی "سانا"ی فەرمی سوری بڵاویکردووەتەوە:"
نیوەڕۆی دوێنێ یەکشەممە کاروانێکی سەربازی ئەمریکا کە لە ٢٤ بارهەڵگری پڕ لە چەک و
تەقەمەنی پێکهاتبوو، لە رێگەی دەروازەی سنوری وەلید هێندراونەتە نێو خاکی سوریا
(رۆژئاوای کوردستان) و لە نێو بنکەیەکی سەربازی ئەمریکا لە ناوچەی شەدادی لە
پارێزگای حەسەکە جێگیرکراون ".
ئاماژە بەوەشکراوە:" کاروانە سەربازییەکەی
ئەمریکا لە ٢٤ بارهەڵگری تایبەت بە چەک و تەقەمەنی و مەوادی لۆجیسی و چەند
ئۆتۆمبێلێکی زریپۆش پێکهاتبوو، هاوکات لەگەڵ گواستنەوەی ئەو کەرەستە سەربازییانەش
فڕۆکەکانی ئەو وڵاتە بە چڕی لە ئاسمانی ناوچەکەدا دەسوڕانەوە ".