وەزارەتی کارەبای هەرێمی کوردستان لە راگەیەندراوێکدا دامەزراندنی وێستگەی کارەبای وزەی خۆری بۆ سێ پارێزگای هەرێم راگەیاند.
ئەمڕۆ دووشەممە ١٩ی نیسان وەزارەتی کارەبا لە راگەیەندراوێکدا رایگەیاند:"پاڵپشت بە رەزامەندی سەرۆکایەتی ئەنجومەنی وەزیران ژمارە ٩٦٤ لە ٢٥/١/٢٠٢١ وەزارەتی کارەبا کەمکردنەوەی نهێنی رادەگەیەنێت بۆ ئەنجامدانی سێ پڕۆژە"
ئاماژەی بەوەشکرد:"پڕۆژەکان دامەزراندنی وێستگەی کارەبای وزەی خۆر بەتوانای ٢٥ مێگاوات بۆ هەریەک لە پارێزگاکانی هەولێر و دهۆک و سلێمانی، بە سێ تەندەری جیاواز".
وەزارەتی کارەبا داوای لە هەر کۆمپانیا و بەڵێندەرێک کرد کە ئارەزووی بەشداریکردنی لە پڕۆژەکەدا هەیە سەردانی وەزارەتی کارەبا بکات.
