لەگەڵ گەیشتنەوەم بە کوردستان پەلەم بوو بچمە خزمەت گڵکۆی مام جەلال

دوای گەشتێکی تەندروستی کتوپڕ کەبەمەبەستی چارەسەر بوو گەڕامەوە نیشتیمان. لەگەڵ گەیشتنەوەم بە کوردستان پەلەم بوو بچمە خزمەت گڵکۆی مام جەلالی ڕێبەر و مامۆستا و سەرکردەی سەدە.
بۆیە ئەمڕۆ چومە حزور ڕوحی زیندویی و پێم وت : مامی سەروەرم دەمزانی پەرۆشی بۆ سۆراغم ، دەمزانی ئەگەر باوەشی خاک نەبوایە، لەگەڵ گەیشتنم، لەباوەشی سۆڕاغی لوتفی تۆدا، سڵاوم لەگەڕانەوەم بۆ کوردستان دەکرد.ھەر بۆیە ئەوەتا ھاتمە دیداری گڵکۆکەت، کەلەم پایزەشدا، ھەر بۆنی پەڵەی کوردایەتی و بوژانەوەی یەکێتی لێدێت. ھاتمە حزورت بڵێم: بە دیداری کوردستان و یەکێتی و مەزاری پیرۆزت چاوم ڕۆشنکردەوە و دوای ساڕێژی جەستەم لەدەردێکی نەگریس سارێژی ڕوح و ئارامی دڵم ھات بە سەردانتان.