بەڕێوەبەری ناحیەی بەکرەجۆ ئاماژەی بەوەکرد،
لە سنووری شارەوانی راپەڕین هەشت کەس بەهۆی ئەنجامدانی زیادەڕەوییەوە
دەستگیرکراون.
ئەمڕۆ پێنجشەممە ١٤ی تشرینی یەکەم،عوسمان
ئەنوەر بەڕێوەبەری ناحیەی بەکرەجۆ بە BMC راگەیاند:" لە ماوەی
رابردوودا لە سنووری شارەوانی تاسڵوجە ٨٦ کەس
رووبەرووی دادگا کراونەتەوە و ١٥ حاڵەتی رووخان هەبووە و ٢٠ حاڵەتی لابردنی کەپر و عەرەبانە هەبووە، هەرەها لە سنووری شارەوانی راپەڕین هەشت کەس دەستگیرکراون و ٢٣
کەس دراون بە دادگا و ١٦٧ حاڵەتی رووخان بوونیان هەبووە".
ئاماژەی بەوەشکرد:" هێزە هاوبەشەکانی
لێوای یەکی پاراستنی سلێمانی و پۆلیسی ١٠٤یش ٦٥ کەسیان داوە بە دادگا و ٢٠ کەسیش لەلایەن
بەڕێوەبەرایەتی پۆلیسی دارستانی سلێمانییەوە دراون بە دادگا".
هەستاوین بە رێگریکردن لە هەموو ئەو زیادەڕەوییانەی لە ژێر دەسەڵاتی ئێمەدابووە
باسی لەوەشکرد:" لە ماوەی رابردوودا هەستاوین بە رێگریکردن لە هەموو ئەو زیادەڕەوییانەی لە ژێر دەسەڵاتی
ئێمەدابووە".
لەسەر راسپاردەی قوباد تاڵەبانی وەزارەتی شارەوانی فەرمانی دروستکردنی شارەوانییەکی بۆ گوندی تووەسپی دەرکردووە
بەڕێوەبەری ناحیەی بەکرەجۆ وتیشی:"
لەسەر راسپاردەی قوباد تاڵەبانی وەزارەتی شارەوانی فەرمانی دروستکردنی
شارەوانییەکی بۆ گوندی تووەسپی دەرکردووە".