پسپۆڕانی خۆراک ئاشکرایانکردوو، سیستمی خۆراکی رۆژانە کاریگەری لەسەر کەمکردنەوەی دڵتەنگی و بێزاری هەیە.

بەگوێرەی ماڵپەڕی "HEWALTH LINE" ئەم خواردنانە هاوکارن بۆ ئەوەی لە کێشەی دڵتەنگی و بێزاری رزگارت بێت:

١-پرۆتینی بێ چەوری:
پرۆتینی بێ چەوری بڕێکی باشی لە ترشی ئەمینی تێدایە و یارمەتیدەر دەبێت بۆ بەرهەمهێنانی سیرۆتۆنین، کە هاوکار دەبێت بۆ باشبوونی دۆخی دەروونی و نەهێشتنی خەمۆکی .

٢- سەلەمون:
ئەگەر حەزت بە خواردنە دەریاییەکانە پێویستە ماسی سەلەمون بخۆیت، لەبەر ئەوەی بڕێکی زۆری لە ترشی ئۆمیگا ٣ی تێدایە و خەمۆکی کەمدەکاتەوە، هەر وەها بڕی پێویستی ڤیتامین "D"شی تێدایە.

٣-زەیتی زەیتوون:
زیتی زەیتوون بڕێکی زۆری ماددەی بۆلیفینۆل لەخۆدەگرێت، کە لە نەخۆشی زەهایمەر دەتپارێزێت.

٤-ئاڤۆگادۆ:
ئەم میوەیە دەوڵەمەندە بە ڤیتامین "K" و ترشی فولیک، کە مێشک لە توشبوون بە جەڵتەی دڵ دەپارێزن.

٥-سپێناخ:
سپێناخ و بەشێک لە سەوزەواتەکان بڕێکی زۆری ترشی فولیک بە مێشک دەبەخشن، کە هۆکاری سەرەکی کەمکردنەوەی خەمۆکییە .