پزیشکێکی رووسی ئاشکرایدەکات، ئەگەر لەکاتێکدا ئارەقی لەشی مرۆڤ ساردبوو، لە هەمان کاتیشدا پلەکانی گەرمی لەش بەرزبوو، نیشانەی هەوکردنی سییەکانە.

لۆدمێلا لابا، پزیشکی رووسی لە دیمانەیەکی تەلڤزیۆنیدا رایگەیاندووە:" ئارەقکردن بە گشتی نیشانەیە بۆ ژاهراویبوو، یان بەرزبوونەوەی پلەی گەرمی ناوەوەی لەش و دوو جۆری هەیە، هەر جۆرە و مانایەک دەبەخشێت، جۆریكیان ساردە و جۆرەکەی دیکەش گەرم".

ئاماژەی بەوەشکرد:" لە حاڵەتێکدا ئەگەر ئارەقی لەش سارد بوو، پێویستە ئاگاداری سییەکانت بیت، لەبەر ئەوەی نیشانەیە بۆ هەوکردنی سییەکان، یاخود بەهێزبوونی نەخۆشییەکانی درێژخایەن لەلەشتدا، بۆیە پێویستە ئاگاداری پلەی گەرمی لەشت بیت و ئەگەر پلەکە بەرزبووەوە پێویستە بە خێرایی سەردانی پزیشک بکەی ".

ئەوەشی خستەڕوو:" ئاگەر لەشی مرۆڤ توشی ئارەقبوونێکی زۆر بووەوە، زۆربەی کات ئاماژەیە بۆ رووبەڕووبوونەوەی لەش بۆ هێرشێکی بەهێزی ڤایرۆسی ".