وەزیری ناوخۆی حکومەتی هەرێم رایگەیاند، یەكە پاسەوانییەكانی وەزارەتی ناوخۆ و چەند
بەڕێوەبەرایەتییەك دەكرێنە یەك بەڕێوەبەرایەتی لەوەزارەتی ناوخۆ.
ئەمڕۆ
دووشەممە، ١٧ی ئایار، رێبەر ئەحمەد، وەزیری ناوخۆی هەرێم لە کۆنگرەیەکی
رۆژنامەوانیدا رایگەیاند:" ئەو پێكهاتانەی پێویستە لەچوارچێوەی یەكەی
پاسەوانی دروست ببن، لە ئاینەدەیەكی نزیكدا دەكەونە بواری جێبەجێكردنەوە و هەموو
ئەو یەكە پاسەوانییانەی لە وەزارەتی پێشمەرگە، زێڕەڤانی، بەرگری و فریاكەوتن،
دەزگا ئەمنییەكان و پۆلیس، سەرجەمیان هەڵدەوەشێتەوە و دەكرێنە یەك بەڕێوەبەرایەتی
و لە وەزارتی ناوخۆ رێكدەخرێت ".
وەزیری ناوخۆ
راشیگەیاند:" ئەم پڕۆژەیەمان بۆ لیژنەی دارایی شیكردەوە كە پڕۆسەیەكی
پشوودرێژە، بۆیە هەم پێویستی بە پشتگیری زیاتری پەرلەمان هەیە، هەمیش پشتگیری و
هاوكاریی لایەنە سیاسییەكان ".
هاوکات، رێبەر
ئەحمەد داوای لە سەرجەم لایەنە سیاسییەکان کرد بۆ ئەوەی بتوانن لە ئایندەیەكی نزیكدا خشتە و رێنمایی رێكخستنی
پاسەوانیی بارەگای لایەنە سیاسییەكان دەربكەن، هاوکاریان بن لەو پڕکانەی پەیوەستن
بە حزبەکانەوە.