لە راگەیەندراوێکدا، وەزارەتی بەرگری عێراق سەرکۆنەی هێرشەکەی سەر پێشمەرگە دەکات لە چیای مەتین.
ئەمڕۆ شەممە ٥ی حوزەیران، وەزارەتی بەرگری عێراق رایگەیاند:" سەرکۆنەی ئەو هێرشەی سەر هێزەکانی پێشمەرگە دەکەین لە کاتی ئەنجامدانی ئۆپەراسیۆنێک لە چیای مەتین".
ئەوەش هاتووە:" وەزارەتی بەرگری جەخت دەکاتەوە پێشمەرگە هێزێکی دانەبڕاوی سەر بە هێزەکان جەکدارەکانمانە و هەر هێرشێک بۆ سەریان جێی پەسەندکردن نییە، لە ئێستاشدا لیکۆڵینەوە لە رووداوەکە دەستیپێکردووە و هەر هێرشێک بۆ سەر خوێنی عێراقییەکان سزای دادپەروەرانەی خۆی پێدەگات".