بنکەی ئاسمانی بەلەد لە پارێزگای سەڵاحەدین بە سێ موشەک هێرشیکرایە سەر.
ئەمشەو چوارشەممە ٩ی حوزەیران، میدیا عێراقییەکان رایانگەیاند:" کەمێک پێش ئێستا بنکەی ئەسمانی بەلەد لە پارێزگای سەڵاحەدین بۆردومانکرا و دوابەدوای بۆردومانەکە زەنگی ئاگادارکردنەوە لە بنکەکە لێدرا".
ئاماژەیان بەوەشکرد:" تا ئێستا زانیاری تەواو لە بارەی بۆردومانەکەوە نەخراوەتەڕوو، بەڵام بە گوێرەی سەرچاوەکان سێ موشەک لە جۆری کاتیۆشا ئاڕاستەی بنکەکە کراون".