وتەبێژی حکومەتی عێراق رایگەیاند، ناردنی بڕی ٢٠٠ ملیار دینار بۆ هەرێمی
کوردستان بڕیاری لەسەر دراوە و بە زووترین کات دەنێردرێت.
"بە زووترین کات ٢٠٠ ملیار دینار رەوانەی هەرێم دەکرێت"
ئەمڕۆ سێشەممە، ٢٢ی حوزەیران، حەسەن نازم، وتەبێژی حکومەتی عێراق لە وتاری
هەفتانەی خۆیدا رایگەیاند:" هۆکاری نەناردنی بڕی ٢٠٠ ملیار دینار بۆ
مووچەخۆرانی هەرێمی کوردستان پەیوەندی بە کاروباری تەکنیکییەوە هەیە و بە
دڵنیاییەوە بە زووترین کات رەوانە دەکرێت، لەبەر ئەوەی لە ئەنجومەنی وەزیرانەوە
بڕیاری لەسەر دراوە ".
ئاماژەی بەوەشکرد:" ناردنی ئەو پارەیە بۆ هەرێم وەک سلفەیەک هەژمار
دەکرێت و دواتر لە پشکی هەرێم لە بودجەی ٢٠٢١ دەردەهێندرێتەوە ".