سەرچاوەیەکی باڵا لەناو یەکێتی رایگەیاند، مانگانە نزیکەی نیو ملیۆن دۆلار لە ئیدارەی گشتی ئەو حزبەوە بۆ میدیاکانی لاهور جەنگی تەرخانکراوە.
سەرچاوەیەکی باڵای ناو یەکێتی بە میدیاکانی یەکێتی راگەیاند:" بۆهەر مانگێک بڕی نیو ملیۆن دۆلار بۆ موچەی کارمەندانی میدیاکانی سەر بە لاهور جەنگی تەرخانکراوە و کارمەند هەبووە مانگانە ١٥ هەزار دۆلاری وەرگرتووە".
هیچ کارمەندێکی ئەو میدیایانە مانگانە لە هەزار دۆلار کەمتری نەبووە
باسیلەوەشکرد:" هیچ کارمەندێکی ئەو میدیایانە مانگانە لە هەزار دۆلار کەمتری نەبووە و ژمارەی کارمەندانی ئەو میدیایانە نزیکەی ٥٠٠ کەسبووە کە بودجەیان لەلایەن ئیدارەی گشتی یەکێتییەوە بۆخەرجکراوە".
ئەوەشی خستەروو:" کارمەندانی ئەو دەزگا میدیانە بە پێی ویستی کەسی ئاڕاستەکراون بۆ لێدان لە بەرژەوەندییەکانی یەکێتی و هەر کارمەندێکیش بەو ئاراستەیە کاری نەکردبێت ناویان زڕاندووە و تۆمەتیان داوەتەپاڵ".