وەزارەتی بەرگری ئەفغانستان رایگەیاند، لە ماوەی ٢٤ کاتژمێری رابردوودا بە سەدان ئەندامی رێکخراوی تاڵیبانیان کوشتووە.
١٨٧ ئەندامی تاڵیبان کوژراون
لە تویتێکدا، پەڕەی فەرمی وەزارەتی بەرگری ئەفغانستان لە تویتەر رایگەیاند:" لەماوەی ٢٤ کاتژمێری رابردوودا لە ئەنجامی ئەو ئۆپەراسیۆنانەی لە ناوچەکانی باکور و رۆژهەڵاتی وڵاتەکە ئەنجامیان داوە، ١٨٧ ئەندامی تاڵیبان کوژراون، لە هەمان کاتیشدا ١١٠ی دیکە برینداربوون، دوو کەسیش دەستگیرکراون".
لە راگەیەندراوکەدا هاتووە کە هێرشەکان لە رێی ئاسمانی و زەمینی ئەنجامدراون، لە ١٥ ناوچەی جیاوازی وڵاتەکە هێرشەکانیان ئەنجامداوە.