گۆڕانی رەنگی میز و دەرچوونی خوێن لەگەڵیدا نیشانەی چییە؟

تەندروستی پێش 2 هەفتە

Alternate Text

پزیشکێکی پسپۆڕ لە نەخۆشییەکانی میز و میزەڕۆ رایگەیاند، دەرچوونی خوێن لەکاتی میزکردن و گۆڕانی رەنگەکەی ئاماژەن بۆ توشبوون بە چەند نەخۆشییەک.

هەوکردنی میزڵدان، گورچیلە و لوو هۆکاری دەرچوونی خوێنن لەکاتی میزکردندا

ئارمین سرکسیان، پسپۆڕی نەخۆشییەکانی میز و میزەڕۆ لە چاوپێکەوتنێکی تەلەڤزیۆنیدا رایگەیاند:" دەرچوونی خوێن لەکاتی میزکردندا ئاماژەیە بۆ توشبوون بە چەند نەخۆشییەکی مەترسیدار، لەوانەش هەوکردنی میزڵدان، یاخود گورچیلە یان لوو ".

ئاماژەی بەوەشکردووە:" هەندێک جار دەرچوونی خوێن لەکاتی میزکردندا ئاماژەیە بە توشبوون بە بەردی گورچیلە و لەکاتی جوڵانی دەبێتە هۆی روشانی پێستی ناوەوەی گورچیلە ".

بەکارهێنانی چەند دەرمانێک رەنگی میز دەگۆڕن

لەبارەی گوڕانی رەنگی میز، ئەوەی خستووەتەڕوو:" بەکارهێنانی چەند جۆرێکی دەرمان هۆکارن بۆ گۆڕانی رەنگی میز، بۆ نمونە خواردنی ڤیتامین B رەنگی میز بۆ پرتەقاڵی دەگۆڕێت، بەڵام پاش وازهێنان لە بەکارهێنانی ئەو دەرمانانە رەنگی میز ئاسایی دەبێتەوە ".

ئه‌مانه‌ش ببینه

‌‌مەڵتیمیدیا