وەزارەتی بەرگری عێراق رایگەیاند، پشکنەری تۆپخانەی سەر بە وەزارەتی بەرگری
لە رووداوێکی هاتوچۆدا گیانی لەدەستدا.
لەکاتی ئەرکی فەرمیدا گیانی لەدەستدا
ئەمڕۆ یەکشەممە، ١٢ی ئەیلول، وەزارەتی بەرگری عێراق بڵاویکردەوە:" بەرەبەیانی ئەمڕۆ لیوا روکن هیشام عەبدولفەیاز لەکاتی ئەرکی فەرمیدا لە پارێزگای
نەینەوە بەهۆی رووداوێکی هاتوچۆوە گیانی لەدەستدا و دوو ئەفسەری دیکەش برینداربوون
".
ئاماژە بەوەشکراوە:" فەرماندەکە بەنیازبووە لەگەڵ تیمێکی سەربازی
سەردانی لیوای ٤٣ی پیادەی سەر بە ئۆپراسیۆنەکانی رۆژئاوای نەینەوا بکات، بەڵام لە
رێگادا ئۆتۆمبێلەکەیان وەرگەڕا ".