بافڵ تاڵەبانی لە پەیامێکدا ئاماژەی بەوەکرد، بە هەموو شێوەیەک
پارێزگاری لە پێکەوەژیان و تەبایی دەکەن.
ئەمڕۆ سێشەممە ١٤ی ئەیلول، بافڵ تاڵەبانی پەیامێکی پیرۆزبایی ئاراستەی
پاتریک مار ئاوای سێهەم کرد بەبۆنەی بوونی بە پاتریاتکی نوێی کەنیسەی رۆژهەڵاتی
ئاشووری لە جیهان.
دەقی پەیامەکەی بافڵ تاڵەبانی:
بەڕێز/ قەداسەتی پاتریارک مار ئاوای سێھەم
بەبۆنەی دەستبەكاربوونی بەڕێزتان وەك پاتریارکی نوێی کەنیسەی ڕۆژھەڵاتی ئاشووری لە جیھان، گەرمترین پیرۆزبایی لەبەڕێزتان و خوشک و برایانی مەسیحی لەھەرێم و عێراق و جیھان دەکەم. هیوادارین ئەمە ببێتە مایەی قووڵکردنەوەی گیانی تەبایی و ئاشتەوایی زیاتری نێوان هەموو نەتەوە و پێکهاتەکان و گەشەکردنی برایەتی و پێکەوە ژیان لەناو گەلەکەمان.
یەکێتیی نیشتمانیی کوردستان پەرۆشی پاراستنی ئەو وێنا جوانەی پێکەوەژیانی ھەموو نەتەوە و پێکھاتە و ئاینزاکانە لەھەرێم و بەھەمووشێوەیەک پارێزگاری لە كلتووری فرەڕەنگی و پێكەوەژیان و تەبایی دەكەین.
ھەر شاد و سەربەرزبن.
بافڵ تاڵەبانی
هاوسەرۆکی یەکێتی نیشتیمانی کوردستان