بڕیاربوو سبەینێ بەدەل بەرواری و ئومێد پەرۆشكی لە هەولێر دادگایی
بکرێن، بەڵام بەهۆی وەرگرتنی مۆڵەت لەلایەن دادوەرەوە دادگاییەکە دواخراوە.
ئەمڕۆ سێشەممە ١٤ی ئەیلول، هەرێم رەفعەت پارێزەری دەستگیرکراوانی
بادینان رایگەیاند:" بڕیاربوو سبەینێ لە دادگای دووی تاوانەکانی هەولێر
دادگاییکردنی هەریەکە لە بەدەل بەرواری و ئومێد پەرۆشکی بەڕێوەبچێت، بەڵام دادگاییکردنەکە
دواخراوە".
دادوەری دادگاکە مۆڵەتی وەرگرتووە
ئاماژەی بەوەشکرد:" هۆکاری دواخستنی دادگاییکردنەکە ئەوەیە کە
دادوەری دادگاکە مۆڵەتی وەرگرتووە".
ئەمەش لە کاتێکدایە پێشتریش دوو جار دادگاییکردنی ئەو دوو
دەستگیرکراوەی بادینان بە بیانووی جیاوازەوە دواخراوە.