د.یاد نەقشبەندی: نەخۆشخانەی هیوا لە رووی دەرمان و خزمەتگوزارییەوە لەئاستێکی باشدایە

کوردستان 6 رۆژ پێش ئێستا

Alternate Text

د.یاد نەقشبەندی رایگەیاند، نەخۆشخانەی هیوا لەئێستادا لەڕووی دەرمان و خزمەتگوزارییەوە لەئاستێکی باشدایە.

هیچ بەرزبوونەوەیەکی خێرا و هەڵکشانێک لەئامارەکانی کۆرۆنادا نییە

ئەمڕۆ سێشەممە، ١٤ی ئەیلول، د.یاد نەقشبەندی، بەڕێوەبەری نەخۆشخانەی هیوا بە (BMC) راگەیاند:" لەئێستادا کێرڤی کۆرۆنا شێوەیەکی ئاسۆیی وەرگرتووە و هیچ بەرزبوونەوەیەکی خێرا و هەڵکشانێک لەئامارەکانی کۆرۆنادا نییە".

ئاماژەی بەوەشداوە:" نەخۆشخانەی هیواش بێبەش نەبووە لەتۆمارکردنی حاڵەتەکانی کۆرۆنا، هەم لەناو نەخۆشانی نەخۆشخانەکە و ستافی نەخۆشخانەکە بەڵام لەئێستادا تۆمارکردنی حاڵەتەکانی توشبوون لەناو نەخۆشخانەکە دابەزیوە".

د.یاد نەقشبەندی ئەوەشی خستەڕوو:" نەخۆشخانەی هیوا لەئێستادا لەڕووی دەرمان و خزمەتگوزارییەوە لەئاستێکی باشدایە".

قوباد تاڵەبانی بەڵێنی پێداوین هەمیشە پاڵپشتی نەخۆشخانەی هیوا بکات

روونیشیکردووەتەوە:" قوباد تاڵەبانی بەڵێنی پێداوین هەمیشە پاڵپشتی نەخۆشخانەی هیوا بکات و لەچەند رۆژی رابردووشدا ئامێرێکی پێشکەوتووی بۆ نەخۆشخانەکە دابینکردووە و هەر لەسەرەتای دامەزراندنی نەخۆشخانەکەوە هەتا ئێستا ماڵی مام جەلال پشتیوانمان بوون".

Alternate Text

دوایین هەواڵ

نرخی زێڕ بەردەوامە لەدابەزین

ئابوری 13 خولەک پێش ئێستا

ئەم خواردنەوەیە تەمەنی مرۆڤ درێژدەکات

تەندروستی 32 خولەک پێش ئێستا

ئایا پلەکانی گەرما بەرزدەبنەوە؟

کوردستان 52 خولەک پێش ئێستا

ئه‌مانه‌ش ببینه

‌‌مەڵتیمیدیا