کەسێک بە تۆمەتی بریندارکردنی براکەی دەستگیر کرا

کوردستان 5 رۆژ پێش ئێستا

Alternate Text

کەسێک لە سلێمانی بە تۆمەتی بریندارکردنی برایەکی خۆی بە فیشەک دەستگیر کرا.
ئەمڕۆ چوارشەممە ١٥ی ئەیلول، بەڕێوەبەرایەتی پۆلیسی سلێمانی رایگەیاند:" دوای ئەوەی لە رووداوێکدا لە گەڕەکی سەرچنار کەسێک لە ماڵەکەی خۆیدا بە فیشەک لەلایەن برایەکی خۆیەوە بریندار کرا، دەستبەجێ هێزەکانمان دەستیان بە لێکۆڵینەوە کرد و دوای وەرگرتنی بڕیاری دادوەر توانرا تۆمەتبارەکە دەستگیر بکرێت".
ئاماژەی بەوەشکرد:" تۆمەتبارەکە ناوی (ئـ.ئـ.ع)ە و لە ئێستادا بە بڕیاری دادوەر و بەپێی ماددەکانی ٤٠٥ و ٣١ لە یاسای سزادانی عێراق راگیراوە و لێکۆڵینەوە لەگەڵیدا بەردەوامە".

ناوبراو لە چەند بنکەیەکی جیاواز سکاڵای لەسەر تۆمارکراوە و داواکراو بووە

باسی لەوەشکرد:" ناوبراو لە چەند بنکەیەکی جیاواز سکاڵای لەسەر تۆمارکراوە و داواکراو بووە، بەهۆی شەڕکردن و تەقەکردن بە چەک".

ئه‌مانه‌ش ببینه

‌‌مەڵتیمیدیا