وەزارەتی بەرگری عێراق دەستگیرکردنی پێنج
تیرۆرستی لەپارێزگای سلێمانی راگەیاند.
ئەمڕۆ چوارشەممە، ١٥ی ئەیلول، وەزارەتی
بەرگری عێراق رایگەیاند:" بەڕێوەبەرایەتی ئاسایش و هەواڵگریی پارێزگای سلێمانی
سەربە بەڕێوەبەرایەتی گشتی ئاسایش و هەواڵگریی وەزارەتی بەرگری عێراق و بەهاوکاری
بەڕێوەبەرایەتی ئاسایشی پارێزگای سلێمانی، توانیویانە پێنج کەس بەتۆمەتی تیرۆر
لەسنووری پارێزگای سلێمانی دەستگیربکەن".
تۆمەتبارەکان فەرمانی دەستگیرکردنیان هەبووە لە دادگای لێکۆڵینەوەکانی پارێزگای کەربەلا
ئاماژەی بەوەشداوە:" تۆمەتبارەکان فەرمانی دەستگیرکردنیان هەبووە لە دادگای لێکۆڵینەوەکانی پارێزگای کەربەلا و لەڕێی زانیاری هەواڵگرییەوە لەسلێمانی دەستگیرکراون".