شاناز ئیبراهیم ئەحمەد رایگەیاند،
هاوپەیمانی کوردستان بۆ ئەم قۆناغە سیاسییەی میللەتەكەمان زەرورەتێكی پێویست بوو.
ئەمڕۆ پێنجشەممە، ١٦ی ئەیلول، شاناز
ئیبراهیم ئەحمەد، كارگێڕی مەكتەبی سیاسی و سەرپەرشتیاری مەڵبەندی یەکی یەکێتی
لەسلێمانی، لەگەڵ ئەندامانی مەكتەب و ژمارەیەک لە كادرەكانی مەكتەبی گەشەپێدانی بیرو
هۆشیاری لەسنوری سلێمانی كۆبووەوە.
لەکۆبوونەوەکەدا شاناز ئیبراهیم ئەحمەد
رایگەیاند:" یەكێتی لەچوارچێوەی پرەنسیپەكانی خۆی لەگەڵ بزوتنەوەی گۆڕان ئەم
هاوپەیمانێتیە سیاسییەی پێكهێناوە، كە بۆ ئەم قۆناغە سیاسییەی میللەتەكەمان زەرورەتێكی
زۆر پێویست بوو".
شاناز ئیبراهیم ئەحمەد ئامادەكاریی و پلانەكانی بەپێی بازنەكانی هەڵبژاردن و شێوازی دابەشكردنی
كار و بەرپرسیارێتی كادرانی لەمیحوەری سلێمانی روونکردەوە و ئاماژەی
بەوەشداوە:" پێویستە هەر هەڤاڵێک بەرپرسیارێتی سەر شانی لەم هەڵبژاردنەدا بەجێ
بگەیەنێت".
دەبێت كار بكەین بۆ سەرخستنی هاوپەیمانێتییەكەمان
هەروەها گرنگی رۆڵبینینی ئەندامانی مەكتەب و سەرجەم كادرانی
یەكێتی لەبانگەشەی هەڵبژاردندا بۆ ئامادەبووان خستەڕوو و وتی:" دەبێت كار بكەین بۆ سەرخستنی
هاوپەیمانێتییەكەمان".