لە میانی کۆبوونەوەیەکیدا لەگەڵ کۆمیتەکانی یەکێتی و مەکۆکانی گۆڕان
قوباد تاڵەبانی ئاماژەی بەوەکرد، دەبێت بەیەکەوە بەرەو بەغدا هەنگاو بنێن.
ئەمڕۆ هەینی ١٧ی ئەیلول، لە هۆڵی شەهید شیهاب لە قەڵاچوالان، ، قوباد
تاڵەبانی سەرۆکی هاوپەیمانی کوردستان سەرپەرشتی کۆبوونەوەیەکی فراوانی کرد لەگەڵ
کۆمیتەکانی یەكێتی و مەکۆکانی گۆڕان لە شارباژێڕ.
ئەم ھاوپەیمانییە بەشێكە لەخەونی مام جەلال و كاك نەوشیروان كە لەدەباشانەوە گەڵالە كرا
لە کۆبوونەوەکەدا کە شاناز ئیبراهیم ئەحمەد و ئاسۆ رەحیم لێپرسراوانی
میحوەرى سلێمانی بانگەشەى هەڵبژاردن و کاندیدەکانی هاوپەیمانی کوردستان ئامادەیبوون،
قوباد تاڵەبانی ئاماژەی بەوەکرد:" ئەم ھاوپەیمانییە بەشێكە لەخەونی مام
جەلال و كاك نەوشیروان كە لەدەباشانەوە گەڵالە كرا، سەرکەوتنیشی دەبێتە
هۆى بەهێزتربوونمان بۆ دابینکردنی مافەکانی هاوڵاتیانی هەرێمەکەمان".
هاوکات قوباد تاڵەبانی داواى لە لێپرسراوانی کۆمیتە و
مەکۆکان کرد کە ریزەکانی خۆیان رێکبخەنەوە و زیاتر بچنە ناو جەماوەر و هەوڵەکانی
خۆیان بخەنەگەڕ بۆ ئاشتکردنەوەى خەڵک و گێڕانەوەى متمانەى دەنگدەران بە مەبەستی بەشداریکردنیان
لەپرۆسەى هەڵبژاردنی ئەنجومەنی نوێنەرانی عێراقدا.
دەبێت بەیەكەوە و بە یەكڕیزی بەرەو بەغداد هەنگاو بنێین بۆ ئەوەی باشتر كاربكەین لەپێناو بەدەستھێنانی مافەكانی ھاوڵاتیاندا
هەر لەمیانەی کۆبوونەوەکەدا قوباد تاڵەبانی باسی لەوەشکرد:" :
راستە زۆربەتان گلەییتان ھەیە لەسەر شێوازی حوكمڕانی و سیاسەت و خزمەتگوزاری،
بەڵام ئەم ھەڵبژاردنە بۆ بەغدادە، دەبێت بەیەكەوە و بە یەكڕیزی بەرەو
بەغداد هەنگاو بنێین بۆ ئەوەی باشتر كاربكەین لەپێناو بەدەستھێنانی مافەكانی
ھاوڵاتیاندا".
سەلماندمان کاتێک بەیەک دەنگ و یەك تیم چوینە بەغدا، توانیمان مووچەی مووچەخۆرانی ھەرێم زامن بكەین
جەختیلەوەشکردەوە:" بەیەكەوە بین دەتوانین باشتر بەرگری لەمافەكانمان
بكەین، چونکە سەلماندمان کاتێک بەیەک دەنگ و یەك تیم چوینە بەغدا، توانیمان
مووچەی مووچەخۆرانی ھەرێم زامن بكەین".
بەیەكەوە بەھێزترین
لەبەشێکی دیکەی کۆبونەوەکەدا شاناز
ئیبراهیم ئەحمەد رایگەیاند: خۆشحاڵم لەقەڵای سەوزەوە پێكەوەین لەگەڵ
گۆڕان، كاری ھاوبەشی دەكەین و بەھەمووان دەڵێین، بەیەكەوە بەھێزترین".
بەھێزترین بۆ دەستەبەركردنی ھەموو مافەكانی گەلى كورد و چارەسەركردنی كێشە ھەڵپەسێردراوەكان
وتیشی:" ئەمجارە كە پێكەوە دەچینە بەغداد، بەھێزترین بۆ
دەستەبەركردنی ھەموو مافەكانی گەلى كورد و چارەسەركردنی كێشە ھەڵپەسێردراوەكان".