بەڕێوەبەرایەتی هاتوچۆی هەڵەبجە چەند رێنماییەکی نوێی لەبارەی نوێکردنەوەی
مۆڵەتی شۆفێری بڵاوکردەوە .
رسوماتی نوێکردنەوەی مۆڵەتی شۆفێری ٤٠ هەزار دینارە
ئەمڕۆ دووشەممە، ٢٠ی ئەیلول، بەڕێوەبەرایەتی هاتوچۆی هەڵەبجە
بڵاویکردەوە:" لەئێستادا
رسوماتی نوێکردنەوەی مۆڵەتی شۆفێری ٤٠ هەزار دینارە و ئەگەر ساڵێک زیاتری بەسەردا
تێپەڕێت، بۆ هەر ساڵێك بڕی سزاکەی ٣٠ هەزار دینارە ".
ئەوەش خراوەتەڕوو:" ئەگەر شۆفێرێک مۆڵەتەکەی بەهەر هۆکارێك تێکچوبێت،
بۆ جاری یەکەم بڕی ١٠ هەزار دیناری لێ وەردەگیرێت ".
روونیشیکراوەتەوە:" لەکاتی ونبوونی مۆڵەتی شۆفێری ئەوا
سزاکەی بۆ جاری یەکەم ٤٠ هەزار دینارە، بۆ جاری دووەم ١٠٠ هەزار دینار و جاری سێیەمیش
١٥٠ هەزار دینارە ".