جوتیار عادل: هەناردەکردنی بەنزین بۆ هەرێمی کوردستان راگیراوە

کوردستان پێش 1 هەفتە

Alternate Text

وتەبێژی حکومەتی هەرێمی کوردستان رایگەیاند، بەهۆی بەرزبوونەوەی نرخی نەوت لەجیهاندا نرخی بەنزین بەرزبووەتەوە و هەناردەکردنی بەنزینیش لەهەندێک دەروازەوە راگیراوە.

ئەمڕۆ پێنجشەممە، ١٤ی تشرینی یەکەم، جوتیار عادل، وتەبێژی حکومەتی هەرێمی کوردستان رایگەیاند:" به‌هۆی ئه‌وه‌ی به‌شێكی زۆری به‌نزین له‌ ده‌ره‌وه‌ی هه‌رێم هاورده‌ دەكرێت و ئه‌وه‌ش په‌یوه‌ستە به‌نرخی نه‌وت و نرخی نه‌وت لەسەر ئاستی جیهاندا به‌رزبووەتەوه‌ كه‌ هاوكات بووه‌تە هۆی به‌رزبوونه‌وه‌ی نرخی به‌نزینیش و هەناردەکردنی بەنزین بۆ هەرێمی کوردستان لە هەندێک دەروازەوە راگیراوە".

وه‌زاره‌تی سامانه‌ سروشتییه‌كان راسپێردراوە سه‌ردانی به‌غداد بكه‌ن

ئاماژەی بەوەشداوە:" وه‌زاره‌تی سامانه‌ سروشتییه‌كان راسپێردراوە سه‌ردانی به‌غداد بكه‌ن بۆ گفتوگۆكردن به‌ مه‌به‌ستی چاره‌سه‌ركردنی به‌شێك له‌ گرفته‌كان و هه‌ماهه‌نگی بكه‌ن له‌گه‌ڵ كه‌رتی تایبه‌ت بۆ ئه‌وه‌ی پلانی گونجاو بۆ هاورده‌كردنی به‌نزین دابنرێت تاوه‌كو له‌ داهاتوودا قه‌یران دروست نه‌بێت".

نه‌وتی سپی دابین دەکرێت

باسی لەوەشکردووە:" سه‌باره‌ت به‌ نه‌وتی سپی، وه‌زاره‌تی سامانه‌ سروشتییه‌كان راسپێردراوه‌ بۆ چاره‌سه‌ركردنی ئه‌م بابه‌ته‌ له‌ رێگه‌ی دابینكردنی نه‌وتی سپی و دابه‌شكردنی به‌سه‌ر هاوڵاتییان له‌ زووترین كاتدا".

 

Alternate Text

دوایین هەواڵ

" کێشەی کەمی غاز چارەسەربووە "

کوردستان 1 کاتژمێر پێش ئێستا

ئەمڕۆ دۆلار بەچەندە؟

ئابوری 3 کاتژمێر پێش ئێستا

ئه‌مانه‌ش ببینه

‌‌مەڵتیمیدیا