وەزارەتی تەندروستی حکومەتی هەرێمی کوردستان ئاماری ٢٤ کاتژمێری رابردووی کۆرۆنای بڵاوکردەوە و تیایدا زیاتر لەهەزار و ٥٠٠ توشبوو چاکبوونەتەوە و رێژەی گیان لەدەستدان دابەزیوە.
ئەمڕۆ پێنجشەممە، ١٤ی تشرینی یەکەم، وەزارەتی تەندروستی حکومەتی هەرێمی کوردستان ئاماری ٢٤ کاتژمێری رابردووی پەتای ڤایرۆسی کۆرۆنای بڵاوکردەوە و رایگەیاند:" هەشت هەزار و ٩٢٦ پشکنین ئەنجامدراون و هەزار و ٤٠٩ توشبووی نوێی ڤایرۆسی کۆرۆنا تۆمارکراون".
هەزار و ٥٣٤ کەس چاکبوونەتەوە
ئاماژەی بەوەشداوە:" لە ٢٤ کاتژمێری رابردوودا هەزار و ٥٣٤ کەس چاکبوونەتەوە و ڤایرۆسەکەیان تێپەڕاندووە".
ئەوەشخراوەتەڕوو:" بەهۆی توشبوون بەڤایرۆسی کۆرۆناوە نۆ کەس گیانیان لەدەستداوە".
ئەمە لەکاتێکدایە بەپێی ئامارەکانی وەزارەتی تەندروستی، دوێنێ ٢٦ کەس بەڤایرۆسی کۆرۆنا گیانیان لەدەستدابوو.
