د. بەرهەم ساڵح رایگەیاند، ئەنجامدانی هەڵبژاردنەکان هەنگاوێکی گرنگە بۆ پێکهێنانی پەرلەمان و دامەزراندنی حکومەتێکی کارا و کاریگەر کە بتوانێت داواکارییە رەواکانی خەڵک دابین بکات.
ئەمڕۆ سێشەممە، ١٩ی تشرینی یەکەم، د. بەرهەم ساڵح، سەرۆک کۆماری عێراق لەمیانەی وەرگرتنی کارنامەی هەریەکە مارتن یاغر، باڵیۆزی ئەڵمانیا و پیتەر شتیپانیک، باڵیۆزی چێک لە عێراق رایگەیاند:" پێویستە ھەوڵە نێودەوڵەتییەکان یەکخرێت بە ئاڕاستەی ریشەکێشکردنی تیرۆر و گەندەڵی و پاراستنی ژینگە ".
دەقی راگەیەندراوی سەرۆکایەتی کۆماری عێراق:
لەمیانی وەرگرتنی کارنامەی
باڵیۆزانی نوێ..
سەرۆک بەرهەم رایگەیاند: پێویستە ھەوڵە
نێودەوڵەتییەکان یەکخرێت بە ئاڕاستەی ریشەکێشکردنی تیرۆر و گەندەڵی و پاراستنی
ژینگە
د. بەرهەم ساڵح، سەرۆک کۆماری
عێراق ئەمڕۆ سێشەممە 19ی تشرینی یەکەمی 2021 لە کۆشکی سەلام لە بەغدا، کارنامەی
ھەر یەک مارتن یاغر، باڵیۆزی ئەڵمانیا و پیتەر شتیپانیک، باڵیۆزی چێکی وەرگرت.
لەمیانی پێشوازیکردنی لە باڵیۆزانی
ئەڵمانیا و چێک بەجیا سەرۆک کۆمار جەختیکردەوە کە عێراق بەگرنگییەوە دەروانێتە
پەیوەندییە هاوسەنگەکانی لەگەڵ وڵاتان لەسەر بنەمای ھاریکاری ھاوبەشی ھەرێمایەتی و
نێودەوڵەتی بۆ رووبەڕووبوونەوەی ئاستەنگەکانی تیرۆر و ریشەکێشکردنی گەندەڵی و
کەمکردنەوەی کاریگەرییەکانی گۆڕانی کەشوھەوا و پاراستنی ژینگە.
لە دیدارەکەدا سەرۆک
بەرھەم ئەوەشی خستەڕوو کە ئەنجامدانی هەڵبژاردنەکان هەنگاوێکی گرنگە بۆ پێکهێنانی
پەرلەمان و دامەزراندنی حکومەتێکی کارای کاریگەر کە بتوانێت داواکارییە رەواکانی
خەڵک بۆ ژیانێکی باشتر و خۆشگوزەران دابین بکات.
ھاوکات دووپاتیکردەوە لەگرنگی پتەوکردنی
پەیوەندییەکان لەگەڵ وڵاتان لە رووی ئابووری و بازرگانی و پشتیوانی لە دەرفەتی
وەبەرھێنان بە ئاڕاستەی بەھێزکردنی دووبارە بونیادنانەوە و گەشەپێدانی عێراق.
ھەر لە دیدارکەدا سەرۆک
کۆمار ھیوای سەرکەوتنی بۆ باڵیۆزانی نوێ خواست لەجێبەجێکردنی ئەرکە نوێیەکانیان،
بەجۆرێک ببێتە مایەی بەھێزکردنی پەیوەندی دۆستانە و ھەماھەنگی نێوان عێراق و
وڵاتەکانیان.
لەلای خۆیانەوە ھەردوو
باڵیۆز ئەڵمانیا و چێک سوپاس و پێزانینی خۆیان ئاڕاستەی سەرۆک کۆمار کرد، ھەروەھا
پشتیوانی وڵاتەکانیان بۆ عێراق دووپاتکردەوە و جەختیشیانکردەوە لەپێویستی
پەرەپێدانی پەیوەندییەکان لەگەڵ عێراق لەبوارە جیاجیاکان، لەپێناو پتەوکردنی
پەیوەندییە هاوبەشەکان.