کۆمسیۆنی باڵای سەربەخۆی هەڵبژاردنەکانی عێراق
رایگەیاند، سبەی پرسی تانەکانی هەڵبژاردنەکانی ١٠ی تشرینی یەکەم کۆتاییدێت و
ئەنجامەکان رادەستی ئەنجومەنی کۆمسیاران دەکرێت.
سبەینێ تانەکانی بەسڕە یەکلایی دەکرێنەوە
ئەمڕۆ شەممە، کۆمسیۆنی باڵای سەربەخۆی
هەڵبژاردنەکانی عێراق بڵاویکردەوە:" ئەمڕۆ دۆسیەی تانەکانی هەریەک لە
پارێزگاکانی زیقار، کەرکوک، سەڵاحەدین و نەینەوا کۆتاییهات و سبەینێش تانەکانی پارێزگای
بەسڕە یەکلایی دەکرێنەوە، بەوەش سەرجەم تانەکان کۆتاییان پێدێت ".
ئاماژە بەوەشکراوە:" لەکاتی ژماردنەوەی
دەستی ئەو بنکانەی تانەیان لێدرابوو نوێنەری پاڵێوراوە تانەدەرەکان و چاودێرانی
نێودەوڵەتی و راگەیاندنە رێپێدراوەکان ئامادە بوون ".