ریاڵ مەدرید بۆندی لۆکا مۆدریج بۆ ساڵێکی دیکە درێژ دەکاتەوە و یاریزانەکە بڕیاریداوە لە ریاڵ مەدرید کۆتایی بە ژیانی وەرزشی بهێنێت.
ئەمڕۆ سێشەممە ١٦ی تشرینی دووەم، رۆژنامە ئیسپانییەکان رایانگەیاند:" یانەی ریاڵ مەدرید بڕیاریداوە گرێبەستی لۆکا مۆدریجی یاریزانی هێڵی ناوەڕاستی یانەکە بۆ ساڵێکی دیکە درێژبکاتەوە".

بە بیستنی هەواڵی نوێکردنەوەی گرێبەستەکەی زۆر دڵخۆشبووە

ئاماژەیان بەوەشکرد:" مۆدریجی تەمەن ٣٦ ساڵ بە بیستنی هەواڵی نوێکردنەوەی گرێبەستەکەی زۆر دڵخۆشبووە، لە ئێستادا گرێبەستی ئەو یاریزانە لەگەڵ یانەکەی تاوەکو ٢٠٢٢ە و بەم بڕیارەی ریاڵ مەدرید گرێبەستەکە تاوەکو ٢٠٢٣ درێژ دەکرێتەوە، لەوکاتەشدا مۆدریج تەمەنی ٣٨ ساڵە و لە مەراسیمێکی شایستەدا لەناو سانتیاگۆ بێرنابیۆ بەیەکجاری واز لە یاریکردن دەهێنێت".