رێکخەری پڕۆژەی "ئاڕتفرۆش" ئاماژەی بەوەکرد، بەمەبەستی برەودان
بە بواری هونەر و هونەرمەندانی کورد، پڕۆژەیەکیان بۆ نمایشکردنی تابلۆکانیان
کردووەتەوە.
کار بۆ ئەوەی دەکەین هونەر بکەین بە پیشە
ئەمڕۆ شەممە، ٢٠ی تشرینی دووەم، رێبەن عیزەت، رێکخەری پڕۆژەی "ئاڕتفرۆش"
بە BMC راگەیاند:" لە رێگەی ئەم پرۆژەیەوە کار بۆ ئەوەی دەکەین هونەر بکەین بە پیشە،
بۆ ئەوەی ببێتە هاندانێک بۆ کارکردنی زیاتری هونەرمەندان و لەم پرۆژەیەدا زیاتر لە
٥٠ هونەرمەندی شێوەکار نزیکەی ٢٠٠ بەرهەمیان بۆ فرۆشتن نمایشکردووە ".
ئەوەشی خستووەتەڕوو:" سەرجەم بەرهەمەکان لە ماڵپەڕی تایبەت بە دامەزراوەی
ڤیم نمایشکراوە و هەر کەسێک دڵخوازی هەر تابلۆ و وێنەیەک بێت دەتوانێت لە رێگەی
ئۆنلاینەوە بیانکڕێت ".
