کۆمسیۆنی هەڵبژاردنەکانی عێراق رایگەیاند، ژماردنەوەی دەستی بۆ دەنگەکانی
وێستگە تانەلێدراوەکانی پارێزگای زیقاڕ ئەنجامدرا.
ئەمڕۆ سیشەممە، ٢٣ی تشرینی دووەم، کۆمسیۆنی باڵای سەربەخۆی هەڵبژاردنەکانی
عێراق لە راگەیەندراوێکیدا ئاماژەی بەوەکردووە:" بەبڕیاری دەستەی دادوەری
هەڵبژاردنەکان پرۆسەی ژماردنەوەی دەستی دەنگەکانی وێستگە تانەلێدراوەکانی پارێزگای
زیقار کۆتاییهات ".
ئەوەشی خستەڕوو:" پرۆسەکە بەئامادەیی چاودێرە نێودەوڵەتییەکان و
رۆژنامەنووسان و ئەو کاندیدانە بەڕێوەچوو، کە تانەیان لەسەر ئەو وێستگانە
تۆمارکردبوو ".