سەرۆک وەزیرانی عێراق لەبارەی خۆپیشاندانەی سلێمانی پەیامێکی بڵاوکردەوە و رایگەیاند خۆپیشاندانی ئاشتییانە مافێکی دەستوریی دەستەبەرکراوە.
درەنگانی شەوی رابردوو، مستەفا کازمی، سەرۆک وەزیرانی عێراق لە هەژماری فەرمی خۆی لە تویتەر پەیامێکی بڵاوکردەوە و رایگەیاند:" رووداوە ئازاربەخشەکانی ئەم دواییەی هەرێمی کوردستان بەتایبەت شاری سلێمانی ئازیز، پێویستی بە هەڵویستی بەرپرسانە هەیە بۆ پاراستنی ئاسایشی کۆمەڵایەتی".
دەستدێژیی بۆسەر خۆپیشاندەران و موڵکی گشتی و تایبەتیش رەتکراوەیە
ئاماژەی بەوەشداوە:" خۆپیشاندانی ئاشتییانە مافێکی دەستوریی دەستەبەرکراوە بۆ هەمووان، دەستدێژیی بۆسەر خۆپیشاندەران و موڵکی گشتی و تایبەتیش رەتکراوەیە".