بەڵگەی نوێ لەسەر هەوڵی تیرۆرکردنی مستەفا کازمی سەرۆک
وەزیرانی عێراق ئاشکرا دەکرێت و راوێژکارێکی کازمیش دەڵێت بەڵگەکان بواری گومان نا‌هێڵنەوە.
ئەمڕۆ یەکشەممە ٢٨ی تشرینی دووەم ،موشرق عباس، راوێژکاری
سیاسی سەرۆک وەزیرانی عێراق رایگەیاند:" نزیک بووینەتەوە لە ئاشکراکردنی ئەنجامی لێکۆڵینەوەکان لەسەر هەوڵی تیرۆرکردنی مستەفا کازمی سەرۆک وەزیرانی عێراق".
دەزگا ئەمنییەکان بەڵگەی تەواویان لایە
ئەوەشی
ئاشکرا کردووە:" دەزگا ئەمنییەکان بەڵگەی تەواویان لایە سەبارەت بە هەوڵی تیرۆرکردنی مستەفا کازمی لە رۆژی ٧ی ئەم مانگەدا و لە چەند رۆژی داهاتوودا تەواوی
راستییەکان بە وێنە و ڤیدیۆی نوێ سەبارەت بە ئامانجکردنی ماڵەکەی کازمی
بڵاودەکەنەوە".
ئەم لێدوانەی راویژکارەکەی مستەفا کازمی دوای ئەوەدێت موقتەدا سەدر سەرۆکی رەوتی سەدر داوای ئاشکراکردنی راستییەکان و ئەنجامی
لێکۆڵینەوەکان دەکات.