پسپۆڕانی تەندروستی ئاماژەیان بەوەکرد، خواردنی شەکر بە رێژەیەکی زۆر بە شێوەیەکی بەردەوام نیشانەکانی پیربوون زووتر دەردەخات و دەبێتە هۆی توشبوون بە چەند نەخۆشییەکی درێژخایەن.
ماڵپەڕی "العربية" بڵاویکردووەتەوە:" خواردنی شەکر و ئەو خۆراکانەی کاربۆهەیدراتیان تێدایە بە شێوەیەکی زیاد لە پێویست، دەبێتە هۆی زووتر دەرکەوتنی نیشانەکانی پیری، هەروەها کاریگەری نەرێنی لەسەر رژاندنی کۆلاجین و ئیلاستین دەبێت، کە دوو جۆری پرۆتینن و پێست بەشێوەیەکی جوانتر دەردەخەن ".
ئەوەش خراوەتەڕوو:" زۆرخواردنی شەکر هۆکارێکن بۆ توشبوون بە نەخۆشییە درێژخایەنەکان، لەوانەش نەخۆشی دڵ و دەمار، شەکرە و قەڵەوی".