رۆژنامەیەکی ئەمریکی باسلەوەدەکات، کەسە نزیکەکانی بەشار
ئەسەد لەگەڵ چەکدارانی حزبوڵای لوبنانی لە سوریا سەرقاڵی بەرهەمهێنانی ماددەی
هۆشبەرن.
ئەمڕۆ دووشەممە ٦ی کانوونی یەکەم، رۆژنامەی نیویۆڕک
تایمزی ئەمەریکی رایگەیاند:" کەسە نزیکەکانی بەشار ئەسەدی سەرۆکی وڵاتی
سووریا و لە نێوانیشیاندا براکەی ناوبراو، لەگەڵ چەکدارانی حزبوڵای لوبنانی سەرقاڵی
دروستکردن و بازرگانی کردنن بە ماددەی هۆشبەری (کبتاغۆن)".
بە دریژایی ١٠ ساڵی رابردوو سوریا بووەتە دەوڵەتی بەرهەمهێنانی ماددەی هۆشبەر،
رۆژنامەکە ئاماژەی بەوەشکرد:" بە دریژایی ١٠ ساڵی
رابردوو سوریا بووەتە دەوڵەتی بەرهەمهێنانی ماددەی هۆشبەر، هەروەها بەرپرسە
باڵاکانی لوبنان رایانگەیاندوە، بازرگانیکردن و بەرهەمێنانی ماددەی هۆشبەر بووەتە
هۆی دەستکەوتنی سەرمایەیەکی زۆر بۆ کەسە نزیکەکانی بەشار ئەسەد بە تایبەتیش ماهر
ئەسەدی برای ".
گواستنەوە و دابەشکردنی ماددە بیێهۆشکەرەکان لەلایەن هێزی سەربازی سوریاوە ئەنجامدەدرێت
ئەوەشیخستەڕوو:" لەم دواییانەدا ئاشکرابووە، زۆربەی کارەکانی گواستنەوە و دابەشکردنی ماددە
بیێهۆشکەرەکان لەلایەن هێزی سەربازی سوریاوە ئەنجامدەدرێت و بەشێوەیەکی
راستەوخۆ لەلایەن ماهر ئەسەدی برای بەشار ئەسەد سەرپەرشتی ئەو کارانە
دەکرێت".
باسی لەوەشکرد:" ئەنجامی لێکۆڵینەوەکان ئەوە
دەردەخەن، چەند کەسێکی بازرگانی لوبنان و بەشێک لە چەکدارانی حزبوڵای لوبنانیش لەو
پرسە تێوەگلاون و هاودەستی ئەو بەرپرسانەی سوریان کە کاری بازرگانی و بەرهەمهێنانی
ماددە هۆشبەرەکان دەکەن".