بەڕێوەبەرایەتی کەشناسی هەرێم رایگەیاند، سبەینێ ئێوارەکەی باران بارین لە
زۆربەی ناوچەکان دەستپێدەکاتەوە و لە ناوچە شاخاوییە سنوورییەکانیش بەفر دەبارێت.
ئەمڕۆ سێشەممە، ٧ی کانونی یەکەم، بەڕێوەبەرایەتی کەشناسی و بومەلەرزەزانی
هەرێم ئاماژەی بەوەکردووە:" سبەى چوار شەممە لە کاتەکانى ئێوارەدا باران لە ناوچە جیاجیاکان
دەبارێت و رۆژی پێنجشەممەی کۆتایی بەو باران بارینە دێت ".
ئەوەشی خستووەتەڕوو:" سەرچاوەى
ئەو باران بارینە نزمە پاڵەپەستۆى دەریاى ناوەڕاستە و ئاستى باران بارینەکە لە ناوچە
شاخاوییەکان مامناوەند دەبێت لە هەندێک ناوچەى تریش نمە باران دەبێت ".
کەشناسی هەرێم باسی
لەوەشکردووە:" لە ناوچە شاخاوییە بەرزە سنوورییەکانیش ئەگەری
بەفربارین هەیە ".