سەرۆکایەتی هەرێمی کوردستان رایگەیاند، لە پەیوەندییەکی
تەلەفۆنی نێوان نێچیرڤان بارزانی و مستەفا کازمیدا، سەرۆک وەزیرانی عێراق پشتیوانی
هەوڵەکانی پێشمەرگەی بۆ رووبەڕووبوونەوەی تیرۆر دوپاتکردەوە.
ئەمڕۆ سێشەممە، ٧ی کانونی یەکەم، نوسینگەی رۆژنامەوانی
سەرۆکایەتی هەرێمی کوردستان لە راگەیەندراوێکیدا ئاماژەی بەوەکردووە:" ئەمڕۆ
نێچیرڤان بارزانی، سەرۆکی هەرێمی کوردستان پەیوەندییەکی تەلەفۆنی لەگەڵ مستەفا
کازمی، سەرۆک وەزیرانی عێراق ئەنجامدا و دوایین هەوڵەکانیان بۆ رووبەڕووبوونەوەی
داعش تاوتوێکرد ".
ئەوەش خراوەتەڕوو:" کازمی جەختی لەسەر پشتیوانیکردنی تەواوی
هەوڵەکانی پێشمەرگە کردهوه بۆ بهرهنگاربوونهوهى تیرۆر، لەگەڵ هەماهەنگیی
تەواو لەنێوان هێزە چەکدارەکانی عیراقدا به پێشمەرگە و سوپا و هێزە ئەمنییەکانی
دیکهوه، بەتایبەتيش لە ناوچەکانی بۆشایيی ئەمنیی نێوان هەردوولا ".
لە راگەیەندراوەکەی
سەرۆکایەتی هەرێم باس لەوەشکراوە:" سەرۆک وەزیران جەختیشی لەسەر پێویستیی کارکردن بۆ
چالاککردنی لیژنە هاوبەشەکانی هەماهەنگی لەنێوان سوپای عیراق و پێشمەرگەدا کردهوه
بۆ بەرپەرچدانەوە و دەرکردنی پاشماوەکانی داعش و بنەبڕکردنیان کە لەسەر عیراق و
کۆی ناوچەکە بوونهته مهترسى ".